له‌ریگه‌ی ئه‌و په‌یوه‌ندیه‌ به‌رده‌وامه‌ی له‌ نیوان یه‌كێتی هاورده‌ و ناردنكارانی هه‌رێمی كوردستان و زۆرینه‌ی  وڵاتانی جیهاندا هه‌یه‌ ، توانرا 16 ڤیزای روسیای فیدراڵ بۆ ئه‌ندامان له‌ بواره‌ جیاجیاكان وه‌ربگیرێت و ئه‌م خزمه‌تگوزاریه‌ش به‌رده‌وام ده‌بێت .
له‌وباره‌یه‌وه‌ شێخ مسته‌فا عه‌بدولره‌حمان سه‌رۆكی یه‌كێتی هاورده‌ و ناردنكارانی هه‌رێمی كوردستان رایگه‌یاند :"بۆیه‌كه‌م جار له‌رێگه‌ی رێكخراوه‌كه‌مانه‌وه‌ توانرا 16 ی روسیای فیدراڵ بۆ ژماره‌یه‌ك له‌ بازرگانان له‌ بواره‌ جیاجیاكاندا دابین بكه‌ین و به‌پێی ئه‌و رێكه‌وتنه‌ش كه‌ له‌ نێوان یه‌كێتی هاورده‌ و ناردنكارانی هه‌رێمی كوردستان و باڵیۆزخانه‌ی روسیای فیدراڵ له‌ عیچراق هه‌یه‌ ئه‌م خزمه‌تگوزاریه‌ به‌رده‌وام ده‌بێت" .
شێخ مسته‌فا ئه‌وه‌شی رونكرده‌وه‌ كه‌ دابینكردنی ئه‌م ڤیزانه‌ به‌شێكه‌ له‌و په‌یوه‌ندیه‌ بازرگانیه‌ی كه‌ یه‌كێتی هاورده‌ و ناردنكارانی هه‌رێمی كوردستان له‌گه‌ڵ وڵاتانی جیهان دروستی كردووه‌" .