له‌سه‌رداوای بالیۆزی رۆمانیا له‌ به‌غدا كۆمپانیای (بتروم دیجوس) ی رۆمانی سه‌ردانی یه‌كێتی هاورده‌ و ناردنكارانی هه‌رێمی كوردستانی كرد .
له‌وسه‌ردانه‌دا پویسكو لازار به‌رێوه‌به‌ری كۆمپانیاكه‌ تیشكی خسته‌ سه‌ر به‌رهه‌مانیان كه‌  له‌ بواری ئاماده‌كردنی كه‌ره‌سته‌ی بیناسازی و بۆری ئاوو ئاوه‌رۆ كارده‌كه‌ن و له‌ ئێستاشدا به‌نیازن لقێكی كوَمپانیاكه‌یان له‌ شاری سلێمانی بكه‌نه‌وه‌ .
له‌به‌رامبه‌ریشدا سه‌رۆكی یه‌كێتی هاورده‌ و ناردنكاران به‌ڵینی هه‌موو هاوكاریه‌كی دا و پاڵپشتی خۆی بۆ كۆمپانیاكه‌ دوو پاتكرده‌وه‌ .
جێی ئاماژه‌یه‌ ژماره‌یه‌ك كۆمپانیای رۆمانی له‌بواره‌كانی شه‌كر و بیناسازی و جل و به‌رگی پیاوان و ئافره‌تان و پاككه‌ره‌وه‌ و چه‌ند بوارێكی تر له‌ خۆ ئاماده‌كردندان بۆ ئه‌وه‌ی لقی خۆیان له‌ كوردستان بكه‌نه‌وه‌ یاخود له‌رێگه‌ی په‌یداكردنی بریكاره‌وه‌ كاڵاكانیان بهێننه‌ كوردستانه‌وه‌ .