شاندێكی بانكی "ئیتیحادی" عێراقی ئه‌هلی به‌سه‌رۆكایه‌تی عه‌بدولوه‌هاب شێخلی به‌رێوه‌به‌ری جێبه‌جێكار و ئه‌ندامی ئه‌نجومه‌نی كارگێری بانكی ناوبراو سه‌ردانی یه‌كێتی هاورده‌ و ناردنكارانی هه‌رێمی كوردستانی كرد و له‌لایه‌ن شێخ مسته‌فا عه‌بدولره‌حمان سه‌رۆكی یه‌كێتی هاورده‌ و ناردنكارانه‌وه‌ پێشوازیان لێكرا .
له‌م سه‌ردانه‌دا باس له‌ چۆنێتی مامه‌ڵه‌كردنی بانكی ناوبراوكرا له‌ بواری ئابوری له‌ گه‌ڵ بازرگانان به‌ تایبه‌تی و هاوڵاتیان به‌ گشتی كرا و تیشك خرایه‌ سه‌ر شێوازه‌كانی پێدانی قه‌رز له‌و بانكه‌دا ، هه‌روه‌كو راگه‌یه‌نرا كه‌ به‌ نیازن لقێكی بانكه‌كه‌ له‌ شاری سلێمانی بكه‌نه‌وه‌ و پێشتریش له‌ شاری هه‌ولێر كردویانه‌ته‌وه‌ .
له‌لایه‌ن خۆیه‌وه‌ شێخ مسته‌فا عه‌بدولره‌حمان سه‌رۆكی یه‌كێتی هاورده‌ و ناردنكاران به‌ڵینی پێدان هه‌موو هاوكاریه‌ك پێشكه‌ش به‌ بانكی ناوبراو بكات .